Fréttir

Á fyrstu fimm mánuðum ársins hafa alls verið nýskráðir 6.063 nýir fólksbílar, sem er 3,6% aukning miðað við sama tímabil í fyrra. Nýskráningar það sem af er ári virðist að stórum hluta tengjast auknum innflutningi bifreiða undir lok árs 2025 í aðdraganda breytinga á vörugjöldum.

Íslensk innleiðing peningaþvættisreglna hefur leitt til aukins kostnaðar, meiri umsýslu og verulegs ónæðis fyrir bæði fyrirtæki og almenning við bílakaup. Í umfjöllun Morgunblaðsins segir Bílgreinasambandið að Ísland hafi gengið lengra en þau ríki sem við berum okkur helst saman við og að umfangsmiklar kröfur gagnvart bílasölum og viðskiptavinum séu farnar að hafa bein áhrif á rekstur fyrirtækja og verð til neytenda.

Á fyrstu fjórum mánuðum ársins hafa alls verið nýskráðir 4.516 nýir fólksbílar, sem er 21% aukning miðað við sama tímabil árið áður. Þróun nýskráninga það sem af er ári virðist að stórum hluta tengjast auknum innflutningi bifreiða undir lok árs 2025 í aðdraganda breytinga á vörugjöldum.

Alls hafa 3.483 nýir fólksbílar verið nýskráðir það sem af er ári, þar af 1.283 í mars. Nýskráningar það sem af er ári hafa aukist um 53% miðað við sama tímabil í fyrra. Aukningin skýrist að stórum hluta af meiri nýskráningum hjá ökutækjaleigum á fyrsta ársfjórðungi en oft áður. Á sama tíma benda tölur um innflutning til þess að hluti þeirra fólksbíla sem hafa verið nýskráðir það sem af er ári hafi verið fluttir til landsins fyrir áramót, áður en breytingar á vörugjaldi á ökutæki tóku gildi.

Í janúar og febrúar voru nýskráðir alls 2.200 nýir fólksbílar sem jafngildir 76% aukningu miðað við sama tímabil í fyrra. Aukningin milli ára er að stórum hluta drifin áfram af ökutækjaleigum. Þá benda tölur um innflutning til þess að hluti nýskráðra fólksbíla það sem af er ári hafi verið fluttur inn fyrir áramót en þá tóku gildi umtalsverðar breytingar á vörugjaldi á ökutæki. Þetta má sjá á mynd neðst í fréttatilkynningunni.

Í janúar og febrúar voru nýskráðir alls 2.200 nýir fólksbílar sem jafngildir 76% aukningu miðað við sama tímabil í fyrra. Aukningin milli ára er að stórum hluta drifin áfram af ökutækjaleigum. Þá benda tölur um innflutning til þess að hluti nýskráðra fólksbíla það sem af er ári hafi verið fluttur inn fyrir áramót en þá tóku gildi umtalsverðar breytingar á vörugjaldi á ökutæki. Þetta má sjá á mynd neðst í fréttatilkynningunni.

Mistök í vörugjaldakerfinu hafa ekki verið leiðrétt þrátt fyrir að þau hafi verið kynnt fyrir efnahags- og viðskiptanefnd Alþingis, segir Jón Trausti Ólafsson, forstjóri Öskju á Íslandi, í viðtali við Morgunblaðið. Hann bendir á að breytingar á vörugjöldum hafi leitt til tvöfaldrar skattlagningar á tengiltvinnbíla og skapað ósanngjarna stöðu á markaði.

Í janúar voru nýskráðir 1.385 nýir fólksbílar sem jafngildir 132% aukningu miðað við janúar 2025.

Enn er of skammt liðið af árinu til að fullyrða hvernig breytt gjaldaumhverfi muni endanlega móta íslenskan bílamarkað. Þetta segir Íris Hannah Atladóttir, hagfræðingur Bílgreinasambandsins, í viðtali í sérstöku bílablaði Morgunblaðsins í dag 20. janúar 2026. „Það er hluti af vörugjaldabreytingunum að auka ásókn í rafmagnsbíla en tölur okkar sýna að eftirspurn heimilanna var þegar byrjuð að færast í þá átt. Gjaldabreytingarnar gætu því hraðað rafbílavæðingunni,“ segir Íris.

Það er óhætt að segja að margir innan bílgreinarinnar hafi hváð þegar þeir hlýddu á orð fjármálaráðherra.