Fara í efni

Gæðakerfi BGS

Beiðni um úttekt

Gæðakerfi Bílgreinasambandsins

BGS vottun er gullið tækifæri til að bæta þjónustuna á hagkvæman og þægilegan hátt og örva viðskiptin.

Tilgangur vottunar er að auka gæði þjónustu og ánægju viðskiptavina bifreiðaverkstæða, vélaverkstæða, málningarverkstæða, réttingarverkstæða, smurstöðva, söluaðila notaðra varahluta og rúðuverkstæða.

Með vottun skuldbinda fyrirtæki sig til að bæta þjónustu og auka ánægju viðskiptavina með stöðugum umbótum. Reglubundnar úttektir eru til þess fallnar að hafa eftirlit með því að svo sé.

Í dag er verið að bjóða vottun fyrir eftirfarandi:

Almenn vekrkstæði
Málninga- og/eða réttingaverkstæði
Glerverkstæði
Hjólastillingu
Rafbílaverkstæði (í vinnslu)

Ávinningur af vottun fyrir viðskiptavini

Vottun sýnir fram á vilja fyrirtækis til að tryggja góða þjónustu
Þjónusta fyrirtækis er vel skilgreind og skýrt hvað í henni felst
Gæðaeftirlit er með viðgerðum bifreiða
Betri og jafnari þjónusta
Brugðist við ábendingum viðskiptavina
Vottun aðstoðar viðsiptavini að meta við hvaða fyrirtæki á að eiga viðskipti við
 

Ávinningur fyrir verkstæði

Reglubundið eftirlit með starfseminni framkvæmt af þriðja aðila sem styrkir ímynd fyrirtækis
Ábyrgð og kröfur til fyrirtækis skýrar gagnvart viðskiptavinum
Innra eftirlit með gæðum viðgerða og þjónustu
Skipulag vinnuferla markvissara sem eykur framleiðni og minnkar kostnað
Uppfylla lög og reglugerðir
Markvissar úrbætur á því sem betur má fara 
Tækifæri til að bæta þjónustu við viðskiptavini 
Ánægðari viðskiptavinir koma aftur

Úrskurðarnefnd

Úrskurðarnefnd tekur til meðferðar og úrskurðar, eftir því sem reglur þessar gera ráð fyrir, hvers konar kvartanir frá notendum gæðakerfis Bílgreinasambandsins. 

Úrskurðarnefndina skipa aðilar sem sitja í þjónustunefnd Bílgreinasambandsins hverju sinni. Í dag sitja í henni aðilar sem eru félagsmenn og starfa á almennum verkstæðum, réttinga- og málningaverkstæðum eða varahlutasölum. Einnig situr starfsmaður frá Bílgreinasambandinu alla fundi.

Mál er aðeins tekið til meðferðar af nefndinni ef ábending hefur komið skriflega til Bílgreinasambandsins í gegnum netfangið bgs@bgs.is

Ábendingar um breytingar á kröfum eða nýjar kröfur skal einnig senda inn skriflega til Bílgreinasambandsins í gegnum netfangið bgs@bgs.is.

Öll mál sem fara nafnlaus fyrir úrskurðarnefndina.

Tíðni úttekta og kostnaður

Úttektir eru framkvæmdar árlega

   Verð*
Úttekt - fjöldi starfsmanna fyrirtækis (1-20) 48.000 kr.
Úttekt - fjöldi starfsmanna fyrirtækis (yfir 20) 88.000 kr.
   
Árgjald fyrir vottun - félagsmenn Bílgreinasambandsins 0 kr. (Innifalið í félagsgjöldum)
Ágjald fyrir vottun  48.000 kr.
   
Fyrirtæki með fleiri en eina starfstöð 50% afsláttur af úttekt fyrir næstu starfsstöð, árgjald eftir verðlagningu 
   
Endurkoma eftir úttekt 1-5 atriði 15.000 kr.
Endurkoma eftir úttekt yfir 5 atriði Úttekt endurtekin, samkvæmt verðskrá
 *Verð eru endurskoðuð árlega og er án vks. 

 

 Úttektaraðilar

Í dag eru eftirfarandi aðilar að taka út gæðastaðal Bílgreinasambandsins:

 

    Bergþór Þormóðsson hjá MIOS Ráðgjöf. Bergþór er stofnandi, framkvæmdastjóri og annar eigandi MIOS-ráðgjafar. Bergþór er með BSc. gráðu í rafmagnstæknifræði frá Tækniháskólanum í Árósum Danmörku.  Bergþór lauk prófi frá Endurmenntun Háskóla Íslands í innleiðingu og vottun jafnlaunakerfa. Bergþór hefur starfað í rúm 6 ár sem sérfræðingur og úttektarmaður hjá BSI á Íslandi ehf. Hann starfaði um árabil hjá verktakafyrirtækinu Ístak sem öryggis- og umhverfisstjóri. Bergþór hefur komið að fjölda verkefna er tengjast breytingastjórnun auk þess sem hann var meðhöfundur að frammistöðumatskerfi sem tekið var upp af Orkuveitu Reykjavíkur og nokkrum stofnunum Reykjavíkur. Hann er sérfræðingur í CE merkingum véla og tækja.
       
 

  Sigurður Örn Karlsson starfaði lengi vel sem forstöðumaður tjónaskoðunarstöðvar Sjóvá og svo síðar sem forstöðumaður ökutækjatjóna hjá Verði tryggingum hf.  Einnig hefur hann starfað sem öryggisstjóri hjá Arnarfelli ehf., hannaði útboðskerfi fyrir Krók ehf. og unnið hjá Tæknimiðstöðinni við Cabas tjónamatskerfið og flokkunarkerfið Lupin. Sigurður lauk námi í rennismíði árið 1972 og svo meistararéttindum árið 1978. Síðar lauk Sigurður einnig námi í vélaverkfræði frá háskólanum í Aalborg. Hefur hann sótt fjölda námskeiða og má þar nefna hönnun burðarvirkja stórra bifreiða ásamt því sem hann hefur lokið prófi bifreiðasala.