Síðasti sýningardagur Honda-e

Honda á Íslandi - Askja hóf sýningu og forsölu á rafmagnsbílnum Honda e laugardaginn 4. janúar. Því miður þarf að senda bílinn aftur úr landi núna um helgina þar sem bíllinn er aðeins einn af þremur sem til er í heiminum og er beðið eftir honum út um allan heim. Þannig að það er síðasti séns núna á laugardag að koma og skoða bílinn áður en hann fer úr landi.

Auk sýningar á Honda-e sýnir Askja einnig magnaða ofur sportbílinn Honda NSX.

Honda e er hinn fullkomni rafmagnsbíll fyrir borgaraksturinn og nú á laugardaginn hefst forsala á þessu magnaða bíl, en fyrstu bílar verða afhentir strax í sumar hér á landi. Bíllinn er hannaður fyrir þá sem aka mest um borgir og bæi. Uppgefin drægni á bílnum allt að 220 km. og á um 30 mínútum er hægt að ná 80% hleðslu. Rafhlaða bílsins er 35,5 kwh og bíllinn því léttur og umhverfismildur.

Að innan er Honda e gríðarlega vel búinn og kemur meðal annars með öflugu hljómkerfi, tvöföldum LED skjá í mælaborði, bakkmyndavél og hliðarmyndavélum í stað spegla.