Frétt af mbl.is
Kia vann þrefaldan sigur á iF Design Awards 2017 sem þykja ein virtustu hönnunarverðlaun sem veitt eru í heiminum. Kia vann sigur í þremur flokkum fyrir bíla sína Kia Niro, Kia Optima Sportswagon og hinn glænýja Kia Rio.
Kóreski bílsmiðurinn hefur þar með unnið til 12 iF Design Awards verðlauna á síðustu 8 árum fyrir framúrskarandi hönnun á bílum sínum.
„Þetta er að sjálfsögðu frábær árangur hjá Kia að vinna þrefaldan sigur á iF Design Awards og undirstrikar enn hversu vel heppnuð hönnun Kia bílanna er. Við stefnum á að frumsýna nýjan Kia Rio í lok mars, en þetta er fjórða kynslóð Rio og mjög spennandi bíll. Hann er afar mikilvægur fyrir Kia og við hjá Öskju bíðum spennt eftir því að geta boðið hann til sölu. Rio er okkar söluhæsti bíll undanfarin ár og þriðji söluhæsti bíll Kia í Evrópu. Þetta er einn rúmbesti og best útbúni bíllinn í sínum stærðarflokki sem er söluhæsti flokkurinn í allri Evrópu,“ segir Þorgeir Pálsson, sölustjóri Kia hjá Bílaumboðinu Öskju.
http://www.mbl.is/bill/frettir/2017/02/09/threfaldur_sigur_hja_kia/