Lúxusjepplingurinn Audi Q5 kom fyrst á markað árið 2008 og sló samstundis í gegn. Hann var mest seldi bíllinn í sínum flokki í sex ár og er farsælasti bíll Audi í Bandaríkjunum. Alls 1,6 milljón eintaka fyrstu kynslóðar Audi Q5 hafa selst og nú er komið að annarri kynslóðinni.
Eftir stranga þjálfun í æfingabúðum lítur nýr Audi Q5 dagsins ljós; 90 kílóum léttari og sportlegri sem aldrei fyrr. Þrátt fyrir það hefur bíllinn stækkað á flesta kanta og plássið aukist en þökk sé skynsamlegu efnisvali í yfirbyggingunni. Hvergi er gefið eftir í þægindum, útliti og aksturseiginleikum nýju kynslóðarinnar. Það er ríkulegt pláss fyrir fimm farþega auk hentugra hleðslu- og geymslumöguleika. Hægt er að fella niður sætisbökin aftur í með fjarstýringu og auka plássið í skottinu upp í 1.550 l.
Ef hendur eru fullar kemur snertilaus opnun á skotti sér vel. Sérhvert smáatriði í Audi Q5 endurspeglar séreinkenni Q-hönnunarinnar. Þetta gildir meðal annars um sérkennandi vélarhlífina og slútandi þakið, sem og útispeglana sem festir eru á öxlina, og mjóa gluggalínuna. Framfarirnar eru augsýnilegar á Audi sýndarstjórnborðinu. Stafrænt mælaborð með 12,3 tommu háskerpuskjá sýnir margvíslegar upplýsingar sem tengjast akstrinum.
Í boði eru þrjár vélar, 190 hestafla 2.0TDI, 284 hestafla 3.0TDI og 252 hestafla 2.0TDI. Það tekur Audi Q5 6,3 sekúndur að komast í hundraðið og hámarkshraði er 237 km á klukkustund. Meðal staðalbúnaðar er LED afturljós, hiti í framsætum, regnskynjari, upplýsingaskjár í lit og Audi pre sense city árekstrarvörn. Nýr Audi Q5 kostar frá 7.290.000 krónum og verður bíllinn frumsýndur í HEKLU Laugavegi 170-174, laugardaginn 25. febrúar klukkan 12.00.