Nýr Mazda CX-60 PHEV, fjórhjóladrifinn tengiltvinnrafbíll, kominn í forsölu hjá Brimborg
- Hágæða japönsk tækni
- 63 km drægni á rafmagni fyrir allan daglegan akstur
- Öflugt fjórhjóladrif, góð veghæð og mikið afl
- Dráttargeta fyrir ferðavagna og aðra eftirvagna er 2.500 kg
- Kjörstillikerfi fullkomnar sambandið milli bíls og ökumanns
Brimborg kynnir í forsölu Mazda CX-60 PHEV, nýjan hágæða jeppa, frá japanska bílaframleiðandanum Mazda Motor Corporation. Mazda hefur unnið að nýrri kynslóð jeppa með yfir 100 ára reynslu í farteskinu þar sem lögð er áhersla á hágæði til jafns við þá bestu í flokki hágæðabíla. Þetta gildir hvort sem er litið til smíðagæða yfirbyggingar, innréttingar, hönnunar, fjórhjóladrifstækni, umhverfisáhrifa með mikilli drægni á rafmagni og lágu kolefnisspori eða þæginda með átta gíra sjálfskiptingu.
Von er á reynsluaksturs- og sýningarbílum til Brimborgar miðvikudaginn 20. júlí en forsala á bílnum er hafin í Vefsýningarsal nýrra bíla hjá Brimborg.
Allt að 63 km drægni á 100% rafmagni
Mazda CX-60 PHEV er með stóra 17,8 kWst drifrafhlöðu sem auðvelt og hratt er að hlaða heima eða í vinnu og drægni á rafmagni samkvæmt WLTP staðli í 100% rafmagnsstillingu er allt að 63 km. Sú drægni hentar einstaklega vel í allan daglegan akstur þar sem meðalakstur Íslendinga er um 40 km á dag. Áhrif Mazda CX-60 PHEV á umhverfið eru ákaflega mild og kolefnissporið við notkun mjög lágt þar sem losun koltvísýrings (CO2) er aðeins um 33 gr per 100 km. Í langkeyrslu kemur sparneytin en virkilega kraftmikil bensínvélin sér vel þar sem átta gíra sjálfskipting er hönnuð fyrir mjúkar skiptingar og sparneytni en meðaleyðsla á bensíni skv. WLTP staðlinum er aðeins frá 1,5 L / 100 km.
Fjórhjóladrifinn, kraftmikill 327 hestafla tengiltvinnrafbíll með góða veghæð
Mazda CX-60 PHEV er fjórhjóladrifinn, kraftmikill tengiltvinnrafbíll þar sem öflug drifrafhlaða og rafmótor og fjögurra strokka 2,5 lítra bensínvél skila samanlagt 327 hestöflum og 500 Nm togi. Upptakið er aðeins 5,8 sekúndur í 100 km hraða og veghæðin er einstaklega góð þar sem 17,6 cm eru undir lægsta punkt.
Fullkominn ferðabíll með 2.500 kg dráttargetu
Nýr Mazda CX-60 PHEV er einstaklega þægilegur ferðabíll fyrir fjölskylduna. Rúmgóður með framúrskarandi fjöðrun, með kraftmikilli, sparneytinni vél og rafmótor og einstakri dráttargetu fyrir ferðavagna og aðra eftirvagna.
Mazda CX-60 PHEV er hreint út sagt ótrúlega þægilegur með ferðavagn í eftirdragi enda lögð áhersla á mikla dráttargetu og öryggi við akstur með þungan eftirvagn. Dráttargetan er 2.500 kg og til að auka öryggi getur ökumaður valið sérstaka Towing stillingu, auk þess sem Kinematic Posture Control (KPG) stýringin veitir stöðugleika í beygjum og við hemlun.
Kjörstillingakerfi til ómældra þæginda fyrir hvern ökumann bílsins
Kjörstillingakerfið (Driver Personalisation System) í Mazda CX-60 PHEV er frábær hágæðanýjung sem hægt er að fá í Comfort-pakkanum fyrir Takumi og Homura búnaðarútfærslurnar. Kerfið er þríþætt og hannað í takt við þá stefnu Mazda að fullkomna sambandið á milli bíls og ökumanns.
Ökumanni til þæginda og tímasparnaðar færir kerfið hann fyrst sjálfkrafa í sína kjöraksturstillingu með því að færa til stýrið, sætið, framrúðuskjáinn og speglana. Það er gert á snjallan hátt með aðstoð myndavélar sem greinir annars vegar augnhæð og nýtir hins vegar forstilltar upplýsingar um hæð ökumannsins.
Til að tryggja að fólk geti auðveldlega komist aftur í fullkomna akstursstillingu notar kerfið í öðru lagi sjálfkrafa andlitsauðkenningu til að bera kennsl á allt að sex ökumenn, auk gesta. Það vistar og aðlagar yfir 250 stillingaratriði fyrir hvern og einn þeirra, meðal annars akstursstöðu, stillingar á hljómtækjum og miðstöð.
Síðast en ekki síst sér svo kjörstillingakerfið til þess að sem auðveldast sé fyrir ökumann að stíga inn eða út úr bílnum með því að færa sætið og stýrið úr vegi rétt á meðan.
Ríkulegur staðalbúnaður skapar hágæða upplifun
Mazda CX-60 PHEV er með ríkulegum staðalbúnaði og má þar nefna 20“ álfelgur, GPS vegaleiðsögn, bakkmyndavél, nálægðarskynjara að framan og aftan, blindapunktsaðvörun, lyklalaust aðgengi, þjófavörn, upphitanlegt stýri, framrúðuskjá, 12,3“ margmiðlunarskjá og sjálfvirka lækkun og hækkun á aðalljósum sem þýðir sjálfvirka aðlögun að aðstæðum. Með Convenience & Sound aukabúnaðarpakkanum fylgir svo hágæða BOSE hljómkerfi með 12 hátölurum.
Mazda CX-60 PHEV býður upp á fjölbreytta tækni sem gerir akstursupplifunina öruggari og þægilegri fyrir ökumann. Meðal nýjunga í Mazda CX-60 PHEV er háþróuð 360 gráðu myndavélartækni með fjórum myndavélum. Myndavélarnar bjóða upp á hefðbundna 360° sýn frá öllum hliðum bílsins og á stöðu hans séð ofan frá (Birds Eye View). En þar að auki er svokölluð gegnsæ stilling (See-Through View) sem birtir ökumanni mynd á skjánum af hverju horni, nánast eins og hann horfi í gegnum bílinn.
Einstök þægindi með MyMazda appinu
Dagleg umgengni og notkun á Mazda CX-60 PHEV er virkilega þægileg með aðstoð MyMazda appsins. Það er aðgengilegt Íslendingum í gegnum Apple App Store eða Google Play Store. Appið er framúrskarandi þægilegt í notkun og búið skemmtilegri virkni sem bætir upplifun eiganda Mazda CX-60 PHEV af bílnum.
Nýr Mazda CX-60 PHEV í Vefsýningarsalnum
Fjöldi nýrra Mazda CX-60 PHEV eru nú sjáanlegir í Vefsýningarsal nýrra bíla hjá Brimborg þar sem áhugasamir kaupendur geta séð áætlaðan afhendingartíma á draumabílnum.
Mazda CX-60 PHEV er einnig fáanlegur í langtímaleigu hjá Brimborg.
Mazda CX-60 PHEV kostar frá 8.190.000 kr.
5 ára ábyrgð er á bílnum og 8 ára ábyrgð á drifrafhlöðu.
Allar nánari upplýsingar veitir Benný Ósk Harðardóttir, sölustjóri Mazda, bennyh@brimborg.is eða síma 5157802