Orka náttúrunnar, dótturfélag Orkuveitu Reykjavíkur, tekur í dag í notkun fyrstu hraðhleðslustöð fyrir rafbíla hér á landi. Hún verður við höfuðstöðvar fyrirtækisins að Bæjarhálsi 1.
Stöðin er sú fyrsta af tíu sem komið verður upp á næstu mánuðum á sunnan- og vestanverðu landinu. Átak Orku náttúrunnar er í samstarfi við B&L og Nissan í Evrópu.
Fyrstu hleðsluna fær Kristbjörg Magnúsdóttir ljósmóðir sem fer flestra ferða sinna á rafbíl, meðal annars til að sinna heimafæðingum.