BL með tæp 30% bíla­markaðars­ins

Frétt af mbl.is

Á sama tíma­og heild­ar­sala á bíl­um til lands­manna var 57% meiri en í fyrra hef­ur sala BL auk­ist um 99 pró­sent.

Eru bíl­teg­und­ir sem fyr­ir­tækið er með umboð fyr­ir nú með 28,5% bíla­markaðar­ins í heild eft­ir fyrstu þrjá mánuði árs­ins þegar all­ir fólks- og sendi­bíl­ar eru tald­ir með, að því er fram kem­ur í gögn­um frá bif­reiðaum­boðinu BL.

Sé ein­ung­is horft til sölu til ein­stak­linga og fyr­ir­tækja án bíla­leiga voru merki BL með 27,7% hlut­deild í mars og það sem af er ár­inu er markaðshlut­deild­in á þeim hluta markaðar­ins nú 25%.

Nis­s­an var sölu­hæsta merki BL í mars með 130 bíla og Renault næst­sölu­hæst með 100 bíla. Alls seldi fyr­ir­tækið 441 bíl í mars, þar af 248 til ein­stak­linga og fyr­ir­tækja og 193 til bíla­leiga.

BL með 40% sendi­bíla­markaðar­ins

Á sendi­bíla­markaði nam hlut­deild BL 44,23% í mars og er hún nú 39,6% það sem af er ár­inu. Alls hef­ur BL skráð 167 sendi­bíla á ár­inu, þar af 78 Renault sem jafn­framt var mest seldi sendi­bíll lands­ins í mars og er einnig það sem af er ár­inu.

Alls voru 595 bíl­ar skráðir á bíla­leig­urn­ar í mars og hef­ur sá hluti markaðar­ins stækkað um 87% frá í fyrra.

http://www.mbl.is/bill/frettir/2016/04/04/bl_med_taep_30_prosent_bilamarkadarsins/