Bílasalan Bílalind er í eigu Ásvaldar Óskars og Sigurdórs Bragasonar. Þeir eru báðir löggiltir bílasalar sem hafa áratuga reynslu í sölu bíla. Bílalind keyptu þeir félagar fyrir tveimur árum. „Bílalind er aðili að Bílgreinasambandinu, en tilgangur sambandsins er meðal annars að vinna að eflingu faglegra vinnubragða og réttmætra viðskiptahátta. Fyrirtæki þurfa að uppfylla viss skilyrði til að fá að vera aðilar að sambandinu og erum við stoltir af að uppfylla þau,“ segir Sigurdór.
Áreiðanleiki og heiðarleiki í viðskiptum skiptir eigendur Bílalindar miklu máli. Þeir hafa byggt upp stóran hóp viðskiptavina í gegnum árin sem helst vill hvergi annars staðar kaupa sína bíla.
„Við erum spenntir þessa dagana því við erum að taka við nýju húsnæði á stærsta bílasölusvæði landsins að Kletthálsi 2, núna um mánaðamótin. Þar eru, hvorki meira né minna, en 120 stæði fyrir sölubíla,“ segir Sigurdór.
Til að fagna þessum tímamótum buðu þeir félagar, Óskar og Sigurdór, viðskiptavinum sínum í grillpartí laugardaginn 2. maí sl. þar sem grillaðir voru hamborgara fyrir gesti og gangandi til að fagna þessum skemmtilegu tímamótum.
Bílalind er að Kletthálsi 2, Reykjavík, síminn er 580-8900, netfang er bilalind@bilalind.is og heimasíða www.bilalind.is