Bílabúð Benna styrkir Mæðrastyrksnefnd
Eins og undanfarin ár hafa eigendur Bílabúðar Benna ákveðið, í staðinn fyrir að senda jólagjafir til viðskiptavina sinna, að styrkja fjölskyldur sem þurfa á aðstoð að halda yfir hátíðarnar.
Nú á dögunum færði fyrirtækið Mæðrastyrksnefnd 100 hamborgarhryggi, af stærstu gerð, til gjafa til skjólstæðinga sinna.
„Það er órjúfanlegur partur af jólahátíðinni hjá okkur að hitta konurnar frá Mæðrastyrksnefnd og liðsinna þeim í hjálparstarfinu,“ segir Margrét Beta, hjá Bílabúð Benna, í tilkynningu.
„Þetta eru sannkallaðar hetjur, sem gegnt hafa mikilvægu hlutverki í íslensku samfélagi og virkilega ánægjulegt fyrir okkur að hafa tök á því að veita þessu góða málefni lið, fyrir þeirra milligöngu.“ segir Margrét Beta.