Málstofa um uppbyggingu hleðsluinnviða fyrir þungaflutninga

Málstofa um uppbyggingu hleðsluinnviða fyrir þungaflutninga

Bílgreinasambandið kynnir málstofu um mikilvægi uppbyggingar hleðsluinnviða fyrir þungaflutninga á Íslandi, sem haldin verður þann 13. nóvember. Málstofan mun fjalla um mikilvægi orkuskipta í samgöngum og mikilvægi þess að tryggja stuðning við rafknúna stórflutningabíla og rútur.

Á málstofunni verður lögð sérstök áhersla á að stjórnvöld grípi til aðgerða til að styðja við uppbyggingu hraðhleðsluinnviða fyrir þungaflutningabíla og rútur. Einnig verður fjallað um umfang verkefnisins og mikilvægi þess að hefja markvissa uppbyggingu innviða til að stuðla að orkuskiptum, sjálfbærni og minni losun gróðurhúsalofttegunda.

Koen Noyens frá fyrirtækinu Milence, sem sérhæfir sig í uppbyggingu hraðhleðsluinnviða fyrir rafknúin þungaflutningatæki, verður einn af gestafyrirlesurum. Milence vinnur náið með stjórnvöldum og öðrum aðilum í Evrópu að því að byggja upp öflugt hleðslustöðvanet sem styður við orkuskipti í flutningum.

Ef þú hefur áhuga á að fá boð á málstofuna, vinsamlegast sendu tölvupóst á bgs@bgs.is. Nánari upplýsingar verða kynntar síðar.