Kia hefur kynnt til leiks nýjan og sportlegan XCeed. Um er að ræða nýjan bíl frá grunni sem suður-kóreski bílaframleiðandinn mun heimsfrumsýna 26. júní nk.

XCeed er crossover bíll með coupe lagi og er mjög sportlegur í útliti og er með farangursrými sem er sambærilegt og bílar í jepplingaflokki.
Bíllinn er hannaður í hönnunarmiðstöð Kia í Frankfurt í Þýskalandi undir handleiðslu Gregory Guillaume, aðstoðarforstjóra hönnunardeildar Kia Motors í Evrópu.

XCeed er rúmgóður að innan og hærri en venjulegur fólksbíll. Aðgengi í bílinn er því mjög gott bæði fyrir ökumann og farþega. Ökumaður situr hærra en í fólksbíl og hefur því gott útsýni yfir veginn. XCeed verður fyrst fáanlegur með bensínvél en mun einnig bjóðast í Plug-in Hybrid útfærslu á næstu misserum.