Fréttir

25. ágúst 2018

Skýrsla stjórnvalda um „Skatta á ökutæki og eldsneyti 2020 – 2025“ er komin út.

Skýrsla stjórnvalda um „Skatta á ökutæki og eldsneyti 2020 – 2025“ er komin út. Þar er verið að leggja til að frá og með 1. september og til áramóta 2018/2019 verði notast við gamla útblástursgildið NEDC en fyrir bíla sem einungis munu hafa nýja gildið, WLTP, verði það lækkað um 17,36% í mótvægisaðgerðum. Frá byrjun árs 2019 ætla stjórnvöld svo að falla frá 10 flokka vörugjaldstöflunni og taka upp línulega álagningu en áfram verður notast við NEDC gildið á þeim bílum sem hafa það áfram á COC vottorðum sínum. Árið 2020 mun svo gamla gildið, NEDC, falla niður alfarið, við innflutning á nýjum bílum, en áfram verður stuðst við línulega vörugjaldaálagningu. Frá sama tíma verður 21% álag lagt á losunarupplýsingar þeirra ökutækja sem einungis bera NEDC gildið. Miðað við okkar fyrstu skoðun þá eru stjórnvöld að koma til móts við þær áhyggjuraddir sem borist hafa frá Bílgreinasambandinu og erum við þakklát fyrir það. Í næstu viku munum við þó leggjast betur yfir skýrsluna ásamt því að funda með stjórnvöldum og munum við eftir það vera komin með skýrari heildarmynd.


Nýr Kia Ceed frumsýndur
22. ágúst 2018

Nýr Kia Ceed frumsýndur

Nýr Kia Ceed verður frumsýndur í Bílaumboðinu Öskju nk. Laugardag þann 25. ágúst. Nýr Kia Ceed var kynntur til leiks á bílasýningunni í Genf í vor og hefur hans verið beðið með mikilli eftirvæntingu. Þetta er þriðja kynslóð Kia Ceed en þessi vinsæli hlaðbakur kemur nú í talsvert breyttri mynd. Hann hefur fengið nýtt útlit að innan sem utan og þá hefur ýmsum tækninýjungum verið bætt við bílinn sem gera hann enn betri í akstri og öruggari.


Sumarfrí
20. júlí 2018

Sumarfrí

Skrifstofa Bílgreinasambandsins verður lokuð vegna sumarfría frá 23. júlí til 7. ágúst.


Umhverfisvænt samstarf HEKLU og IKEA
18. júlí 2018

Umhverfisvænt samstarf HEKLU og IKEA

HEKLA og IKEA hafa hrundið af stað samstarfsverkefninu „Þvílíkt lán“ sem gengur út á að lána viðskiptavinum IKEA bíl til að koma innkaupavörum sínum heim. Um er að ræða tilraunaverkefni til þriggja mánaða þar sem HEKLA lánar viðskiptavinum IKEA sívinsæla tengiltvinnbílinn Mitsubishi Outlander PHEV í tvær klukkustundir án endurgjalds til að flytja IKEA vörurnar heim.


Mitsubishi á fleygiferð fyrstu sex mánuði ársins
11. júlí 2018

Mitsubishi á fleygiferð fyrstu sex mánuði ársins

Mitsubishi er það bílavörumerki á Íslandi sem vaxið hefur hraðast fyrstu sex mánuði ársins 2018 samanborið við sama tímabil í fyrra. Salan á þessum frábæru japönsku bílum sem Íslendingar hafa haldið tryggð við um áratugaskeið hefur tvöfaldast milli ára og er það nærri tvöfalt meiri aukning en á þeirri bílategund sem næst kemur. Raunar er það svo að fyrstu sex mánuði ársins eru tvö vörumerki frá Heklu á topp þremur yfir mest seldu bílategundirnar á einstaklingsmarkaði, Mitsubishi og Volkswagen, og Hekla er það bílaumboð sem selt hefur næst flesta bíla á þeim markaði.


22. júní 2018

María Jóna til Bílgreinasambandsins

María Jóna Magnúsdóttir hefur verið ráðin framkvæmdastjóri Bílgreinasambandsins. Hún tekur við starfinu af Özuri Lárussyni sem lætur senn af störfum. María hefur starfað í bílgreininni í tæpa tvo áratugi, nú síðast sem framkvæmdastjóri viðskiptatengsla og síðar framkvæmdastjóri sölusviðs Heklu. Áður var María yfirmaður viðskiptatengsla hjá Toyota ásamt því sem hún var sérfræðingur og verkefnastjóri við innleiðingu straumlínustjórnunar hjá Arion banka. María útskrifaðist með MS.c. í fjármálum og stefnumótun frá Copenhagen Business School árið 2012 og áður með BS.c í viðskiptafræði frá Háskólanum í Reykjavík. María hefur þegar hafið störf hjá Bílgreinasambandinu.


22. maí 2018

Verð á nýjum bílum hækkar á næstunni

Sala á nýjum bílum með þróuðustu og sparneytnustu bensín- og dísilvélunum mun dragast verulega saman vegna fyrirséðra verðhækkana frá og með 1. september 2018 grípi stjórnvöld ekki til mótvægisaðgerða gagnvart nýja alþjóðlega mengunarstaðlinum WLTP (Worldwide Harmonized Light Vehicles Test Procedure) sem tekur við hlutverki eldri staðla við mælingar á eyðslu eldsneytis og útblæstri koldíoxíðs (CO²).


Hreinni bílar - lykill að lausninni
17. maí 2018

Hreinni bílar - lykill að lausninni

Loftslagsbreytingar af mannavöldum eru hnattrænn umhverfisvandi enda virðir mengun engin landamæri. Vitundarvakning á þessu sviði hefur meðal annars leitt til stórfelldra framfara í framleiðslu vistvænna bifreiða, bæði varðandi notkun á vistvænni orku og notkun áls til að létta bílana.


Cayenne E-Hybrid úr 416 í 455 hestöfl
04. maí 2018

Cayenne E-Hybrid úr 416 í 455 hestöfl

Porsche Cayenne E-Hybrid af nýju kynslóðinni kemur á markað á næsta ári og þá með aflmeiri drifrás. Núverandi gerð bílsins er með 416 hestafla drifrás sem samanstendur af brunavél og 95 hestafla rafmótor. Í næstu kynslóð verður áfram 3,0 lítra V6 bensínvél með forþjöppu og einn 134 hestafla rafmótor og mun drifrásin þá samtals skila 455 hestöflum til allra hjóla bílsins. Rafmótorinn fær afl frá 14,1 kWh lithium-ion rafhlöðu sem fullhlaða má á aðeins tveimur klukkutímum og 18 mínútum með nýrri 7,2 kW hleðslustöð.


Mercedes-Benz í hringferð um landið
30. apríl 2018

Mercedes-Benz í hringferð um landið

Mercedes-Benz heldur í hringferð um landið í maí og mun kynna úrval fólks- og atvinnubíla frá þýska lúxusbílaframleiðandanum á landsbyggðinni.